Quando oranannu vinni Natali mi fici una passiata al centro commirciali di Casciofilippu e trasivu intra un negozio ranni assai e chinu di tutti li diavularii che non mi ricordo giusto se si chiamava Euronicis o di altra manera che vinniva tutti cosi belli, le cafitteri usu bar, li tivilisioni ‘cchiatti ‘cchiatti, le stufe e li rasoli elettrichi. E pure li compiuti quelli ranni e quelli piccoli che si chiuinu usu libbretta e si mpilanu ni la sacchina… Io nun ni capiva nenti però siccome che mi piacì e mi truvavo un poco di euri di spenniri che mi erano arristati di la pinzioni tridicesima e nantru pucu che avia vinciuto a la tombola e a la zzicchinetta, mi lu accattavu e mi lo portavu a casa con una cosa piccola che si ci ‘mpila di latu usu chiavi e fa la luce blu e c’è la simmi del telefoninu e si collega ad una cosa billissima che ci dicinu intennètti.
Ah, se quella bonarma di mio patre avissi pututu vidiri tutti sti cosi moderni…ma siccome che è murutu avi d’assà, ai soi tempi si potti vidiri a malapena la squatra di l’Italia a colori che iucava cu l’Argintina prima ca ci iucava Maradona…E invece con intennetti si vidinu li signorini, il poker che si futti sordi (però io non ci sacciu iucari ed è megliu…), si legge la posta imai e tanti cosi belli che non vi posso dire…
Ora mia niputi figlia di mia soru la nica mi scrissi a una banna che sichiama fessibucchi che tutti addiventanu amici anche se nun si canuscinu e affaccianu le fotografie e ci scambiamo tutti li cosi e mi ficiru il profilo che c’è una faccia che dicinu che m’assimiglia che è meglio non mettere la faccia sua propiamenti… Mi dissiru che con fessibucchi posso truvari tutti l’amici che avevo quando era carusu e videmma quelli della sguizzera che è come si fussiro darrè la casa. E accussì ci scrissi e truvavu Decu ‘ppolitu, Angilu Fisichella, Ruardu lu russu e Nofriu Carusu. Volevo trovare puru Firdinannu Scimeca, ma truvai so figliu che mi dissi che Firdinannu avia murutu sett’anni nnarrieri…
Oramai a la sira invece di taliare i firmi di perluscone e l’isola dei famosi e quei rimitusi del grande fratello, mi mintu su fessibucchi che mi addivertu di più, ci mintu “mi piace” unn’e gghiè e m’addrummisciu prima di la tivilisioni… Si vuliti sapiri antri cosi di mia cerca Antonio Masciantò su fessibucchi e ni scangiammu l’amicizzia…
