Lu poviru candidatu a Cunsiglieri
Duttu’ mi facissi un certificatu elettorali ca sugnu candidatu,
dici ma cuscinu, ca la lista è bbona e lu Sinnacu ammarruggiatu.
Nun sacciu ancora lu nomi di lu partitu ne a ccu appartiennu
ma certu quarchi scuzzetta ci nasci si pi iddri vaiu firriannu.
Auannu c’è nzina la nuvità di la prifirenza di generi
ma iu ca sugnu spertu , candidavu anchi a ma muglieri.
Cu cincu figli e quattru nori ma pà , ma mà , e du soggeri
tutta la parentela appriessu, sugnu sicuru ca ci pozzu pigliari.
Accussì mi lievu di nmiezzu a la strata ca su 6 misi ca nun travagliu,
m’assiettu pulitu cu scolla e cammisa e mi lievu di stari a lu stagliu.
Ora capivu chi è la Pulitica, taliari sulu d’unni arriva lu vientu,
ca li pisci gruessi ngrassanu ancora e nuantri campammu a pani e stientu.
Totò Treppiedi
